6 սխալ ինտերիեր դիզայնում և ինչպես շտկել դրանք

RedLine ինտերիեր դիզայն ստուդիան նախագծում է ինտերիեր, որը գեղեցիկ է ու հարմարավետ: Մենք համոզված ենք, որ տան, բնակարանի, օֆիսի կամ ցանկացած այլ տարածքի դիզայնը միայն գեղագիտության մասին չէ. այն նաև ներդաշնակության և ֆունկցիոնալության մասին է:

Դիզայներական սխալները  խաթարում են հարմարավետությունը ու առաջացնում ճնշվածության, ծանրության ու անհարմարության զգացում: Ներկայացնում ենք 6 սխալ ինտերիեր դիզայնում, որոնցից խուսափելը բարելավում է ձեր ինտերիերի արտաքին տեսքը:

Չափսերի և համամասնությունների անտեսում

Սխալների օրինակներ` փոքրիկ գորգ մեծ հյուրասենյակում, չափազանց մեծ կահույք փոքր ննջասենյակում:  Համամասնությունների խախտումը խախտում է հավասարակշռությունը և ստեղծում վիզուալ անհամապատասխանության զգացում:

Ինչպե՞ս շտկել:

Ընտրե՛ք կահույք և դեկոր, որոնք համապատասխանում են սենյակի չափսերին: Որևէ կահույք գնելուց առաջ կարող եք կպչուն ժապավենի օգնությամբ դրա չափերին համապատասխան ուրվագիծ ստեղծել սենյակի այն հատվածում, որտեղ պատրաստվում եք այն տեղադրել: Եթե ​​կասկածում եք, ընտրե՛ք մի փոքր ավելի մեծ գորգ և մի փոքր ավելացրե՛ք լուսավորությունը, բայց խուսափե՛ք չափազանց խոշոր մոդելներից, եթե ձեր տարածքի չափը թույլ չի տալիս:

Չափից մեծ զսպվածությունը գույների օգտագործման հարցում

Սխալի օրինակ` ամեն ինչ ամբողջությամբ բեժ է։ Թեև չեզոք գույները մշտապես ակտուալ են, դրանք կարող են ձեր տարածքը միապաղաղ և անհետաքրքիր դարձնել, եթե դուք խուսափեք գունային խաղերից։

Ինչպե՞ս շտկել:

Ավելացրե՛ք գունային շեշտադրումներ՝ պատերից մեկը ներկելով այլ գույնի, ավելացնելով դեկորատիվ բարձեր, գեղարվեստական ​​​​գործեր կամ արտասովոր կահույք։ Գույնը տարածքին ավելացնում է հույզեր և անհատականություն. մեղմ մուգ կապույտը կամ կանաչը կարող են զգալիորեն փոխել տրամադրությունը։ Ապացուցված է, որ յուրաքանչյուր գույն տարբեր կերպ է ազդում մարդու տրամադրության վրա:

Լուսավորության կարևորության անտեսում

Սխալի օրինակ` հույսը դնել միայն առաստաղի լուսավորության վրա։ Վերջինս ստեղծում է կոշտ ստվերներ և ճնշող տրամադրություն:

Ինչպե՞ս շտկել:

Շերտադրե՛ք լուսավորությունը։ Համատեղեք առաստաղի լույսերը հատակի լամպերի, պատի լուսամփոփների և աշխատասեղանի լուսավորության հետ։ Ջերմ LED լամպերը կարող են ստեղծել հարմարավետ մթնոլորտ ցանկացած սենյակում։

Արվեստի գործեր, որոնք չափազանց բարձր (կամ ցածր) են կախված

Կտավներն ու նկարները չափազանց բարձր կախելը ինտերիեր դիզայնի ամենատարածված և ամենաուղղելի սխալներից մեկն է։

Ինչպե՞ս շտկել:

Նկարը պետք է կախված լինի աչքերի մակարդակի վրա, դրա կենտրոնական հատվածից մինչև հատակ հեռավորությունը մոտ 145–150 սմ պետք է լինի: Նկարը կահույքի վերևի հատվածում կախելիս հետևեք ⅔ կանոնին. դրա լայնությունը պետք է լինի կահույքի լայնության մոտ երկու երրորդը։

Նախընտրությունը ոճին, այլ ոչ հարմարավետությանը տալը

Սխալի օրինակ` զոհաբերել հարմարավետությունը հանուն ամսագրերում կամ համացանցում հանդիպած դիզայնի` խոշոր աթոռներ, մեծ բազմոցների կամ անհասկանալի սուրճի սեղաններ։

Ինչպե՞ս շտկել:

Դիզայնը պետք է ծառայի ապրելակերպին: Հնարավորության դեպքում անձամբ փորձարկեք կահույքի հարմարավետությունը և մտածեք, թե ինչպես եք օգտագործելու տարածքը: Հարմարավետությունն ու ֆունկցիոնալությունը երբեք չպետք է երկրորդական լինեն։

Գերծանրաբեռնված մակերեսներ

Սխալի օրինակ` յուրաքանչյուր մակերես լցնել դեկորով: Դա ծանրաբեռնում է տարածքը և քաոսային տպավորություն ստեղծում։

Ինչպե՞ս շտկել:

Սուրճի սեղանների նման կահույքին ոչինչ մի՛ դրեք: Նվազագույնի հասցրե՛ք պահարանների դեկորը: Ինտերիերը ընգծե՛ք առանձին, իրարից անկախ էլեմենտներով:

Եզրակացություն

Ինտերիեր դիզայնը մասամբ գիտություն է, մասամբ արվեստ: Փոքր փոփոխությունները կարող են մեծ ազդեցություն ունենալ: Անկախ նրանից, թե դուք կատարում եք ամբողջական վերանորոգում, թե պարզապես թարմացնում եք ձեր հյուրասենյակը, այս վեց սխալներից խուսափելը կօգնի ձեզ ստեղծել ներդաշնակ տարածք:

Եթե ձեզ անհարժեշտ է խորհրդատվություն ձեր տարածքը կատարելագործելու համար, դիմե՛ք RedLine ինտերիեր դիզայն ստուդիային՝ ձեր տեսլականը ոճով, ռազմավարությամբ և հոգով կյանքի կոչելու համար: